Otvarajući izložbu Đečević je, između ostalog, kazala:„ Djetinjstvo predstavlja trajni fantazam koji određuje individualne puteve. U umjetnosti ono je vrelo koje umjetnik gotovo nikada ne napusti. No, iskazuje se različitim pismom: često alegorijski, stilski skriveno. Nasuprot tome, na platnima naše umjetnice taj svijet je tema za sebe – ona prolazi kroz različite registre mentalnih slika urezanih u pamćenju – ne onakvih kakve jesu tj. kakve su bile, već onakve kakvim ih je emocionalna nutrina zabilježila. Zato, kao što na slikama zapažamo, Radulovićevu zanima nešto više od samog ilustovanja prošlosti – djetinjstva, nju zanimaju “sjećanja” – naracija prošlosti onakva kakvom je dubina unutrašnjeg bića kazuje.
Na slikama Jelene Radulović primjećuje se želja za traženjem mjere i sklada. Slikarska sublimacija ovdje otkriva umjetnicu koja interepretira svijet osobenim bajkovitim narativom, što njene slike lirski intonira i likovnoj poetici nadodaje “vilinski“ aspekt”. 
 
Izložba će biti otvorena za posjetioce do 30. avgusta 2020.