Ovom postavkom selektovano je preko šezdeset djela kineskih likovnih umjetnika koji reprezentuju dio bogate i raznovrsne stvaralačke scene Narodne Republike Kine. Izložba donosi presjek umjetničkih traganja autora različitih senzibiliteta koji tradicionalnu tehniku lavirani tuš u svojim likovnim istraživanjima primjenjuju na savremene načine.

 

Izložbu će otvoriti potpredsjednik Kineske nacionalne slikarske akademije Zhang Jiangzhou. Na otvaranju izložbe će govoriti i kustoskinja JU Muzeji i galerije Podgorice mr Selma Đečević kao i privremena otpravnica poslova Ambasade NR Kine u Crnoj Gori Hua Yafang.

 

Kineska nacionalna slikarska akademija osnovana je 1981. godine sa ciljem podsticaja likovnog stvaralaštva uz fokus na međunarodnu saradanju i internacionalnu promociju likovne umjetnosti Narodne Republike Kine.

 

Izložba će biti otvorena do 25. avgusta 2019. godine.

 

Dobro došli!